Pas miratimit të strukturës së re organizative nga Këshilli Bashkiak, sot do të bëhet zyrtarisht emërimi i nënkryetarëve të rinj të Bashkisë Fier.

Sipas burimeve pranë institucionit, katër nënkryetarët që do të marrin detyrën janë: Nusret Avdullai, Erald Qirjo, Mirela Pitushi dhe Mariglen Hoxha, në përputhje me strukturën e miratuar.

Ndërkohë, Niko Neco pritet të emërohet Drejtor i Përgjithshëm, duke ushtruar funksionin e Sekretarit të Përgjithshëm të Bashkisë Fier.

Ky hap konsolidon strukturën e re të drejtimit dhe sinjalizon vijimin e reformave në administratën lokale të Fierit.