Gjatë dy viteve të fundit, forcat izraelite kanë shkatërruar pjesën më të madhe të Gazës dhe kanë vrarë mbi 67,183 palestinezë, përfshirë 20,179 fëmijë, sipas Ministrisë së Shëndetësisë të kontrolluar nga Hamasi.

Këto shifra janë konsideruar të besueshme nga OKB-ja dhe agjencitë ndërkombëtare, ndonëse Izraeli i ka kundërshtuar ato.
Operacionet ushtarake izraelite nisën pas sulmit të 7 tetorit 2023, kur persona të armatosur të udhëhequr nga Hamasi vranë rreth 1,200 njerëz dhe morën 251 pengje.

Sipas të dhënave të fundit, 460 persona të tjerë kanë vdekur nga kequshqyerja që nga fillimi i luftës, përfshirë 182 viktima vetëm që prej gushtit, kur në Qytetin e Gazës u konfirmua një zi buke e shkaktuar nga njeriu, sipas Klasifikimit të Fazës së Integruar të Sigurisë Ushqimore (IPC) të mbështetur nga OKB-ja.

Ndërkohë, kryeministri izraelit Benjamin Netanyahu ka mohoar vazhdimisht ekzistencën e urisë në Gaza, duke theksuar se Izraeli po lehtëson shpërndarjen e ndihmave humanitare dhe ushqimeve.

Nëse Hamasi dhe Izraeli do t’i përmbahen marrëveshjes së paqes, e cila ka hyrë në fuqi këtë javë, shumë politikanë ndërkombëtarë shpresojnë që lufta të marrë fund përfundimisht.
Megjithatë, rimëkëmbja dhe rindërtimi i Rripit të Gazës pritet të jetë një proces i gjatë dhe i vështirë.