Një ngjarje tronditëse ka tronditur Reggio Calabria-n në Italinë jugore, ku një 25-vjeçare është arrestuar me akuzën e vrasjes së dy fëmijëve binjakë menjëherë pas lindjes, në korrik të vitit 2024.

Sipas Prokurorisë italiane, e reja i ka mbytur foshnjat dhe më pas i ka fshehur trupat në dollapin e dhomës së saj, të mbështjellë me një batanije. Ngjarja makabre është zbuluar nga nëna e saj, e cila kishte ndier erë të rëndë që vinte nga dhoma e vajzës.

Hetimet kanë zbuluar se i fejuari i saj, i cili është edhe babai i fëmijëve, dyshohet si bashkëpunëtor në krim, pasi në telefonin e çiftit janë gjetur mesazhe komprometuese ku flitej për fshehjen e foshnjave.

Më tej, hetuesit dyshojnë edhe për një vrasje të tretë: një foshnjë tjetër, e cila mendohet se ka lindur në vitin 2022 dhe është varrosur në një tokë familjare. Kërkimet për trupin e saj vijojnë.

Në momentin e zbulimit të ngjarjes, 25-vjeçarja ishte shtruar në spital për gjakderdhje të rëndë, por kishte mo-huar se kishte qenë shtatzënë apo kishte lindur.

Autoritetet italiane po vijojnë hetimet për të zbardhur plotësisht rrethanat e kësaj ngjarjeje tronditëse, e cila ka shkaktuar indinjatë të madhe publike në Itali.