Ditën e sotme, Altin Kodra është liruar nga Burgu i Peqinit, pas përfundimit të dënimit të tij.
Kodra ishte dënuar nga Gjykata e Shkodrës me 22 vjet burg për vrasjen e një biznesmeni në Shkodër në vitin 2006. Gjatë kohës në burg, ai ka marrë edhe dënime të tjera për vepra penale të ndryshme.
Sipas vendimeve të Gjykatës së Rrethit Gjyqësor Krujë, Kodra është dënuar për kryerjen e veprës penale “Largim nga vendi i qëndrimit”, si dhe në dy raste të tjera për “Futja ose mbajtja e sendeve të ndaluara në IEVP”.
Ai ishte në regjimin 41 biss dhe u lirua pas përfundimit të gjithë dënimit të tij.
