Policia e qytetit të Yonkers, në Nju Jork, ka arrestuar disa persona për hedhje të paligjshme të mbeturinave, mes tyre edhe shtetasin shqiptar Xhevahir Kalaja, i përfshirë në mbi 10 raste të ndryshme ndotjeje.

Kalaja u kap duke hedhur goma makinash të përdorura dhe mbeturina të tjera nga biznesi i tij në një zonë të pyllëzuar brenda Scotti Park. Me ndihmën e Departamentit të Parqeve dhe Rekreacionit të Yonkers-it, ai u identifikua dhe u arrestua më 10 shtator 2025, për shkelje të Kodit të Qytetit të Yonkers-it.

Ndaj tij u ngritën akuza penale për hedhje të paligjshme të mbeturinave në përputhje me ligjet shtetërore. Mjeti i përdorur u sekuestrua menjëherë, ndërsa rasti do të ndiqet penalisht nga Zyra e Prokurorit të Qarkut Westchester.