Një ngjarje e rëndë është regjistruar paraditen e sotme pranë mbikalimit të Rinasit, ku një person ka mbetur i plagosur me armë zjarri.
Sipas burimeve mediatike, viktima është qëlluar në këmbë, pranë zonës së Megatekut, dhe ndodhet jashtë rrezikut për jetën.
Menjëherë pas të shtënave, autori është larguar nga vendngjarja, ndërsa policia ka ngritur postblloqe në disa akse rrugore për kapjen e tij.
Grupi hetimor ndodhet në vendngjarje dhe po punon për identifikimin e autorit dhe sqarimin e rrethanave të plota të ngjarjes.
