Kampionja Luiza Gega dhe trajneri i saj, Taulant Stërmasi, ishin të ftuar në emisionin “Rudina”, ku zbuluan për herë të parë detaje nga jeta e tyre personale, nga fillimi i lidhjes e deri te planet për dasmën.

Rrëfimi i Stërmasit: “Disa gjëra vijnë vetvetiu dhe janë gjëra normale të një çifti normal. Kështu që disa gjëra janë rrugës dhe do shohim.”

Gega shprehu dëshirën e saj për të krijuar familje, duke treguar se kjo është pjesë e identitetit të saj dhe e vlerave që ka marrë nga familja:

“Unë vetë vij nga një familje e madhe dhe nuk e shikoj dot veten time pa krijimin e një familjeje, sepse i dashuroj fëmijët.”

Kur Rudina Magjistari pyeti për propozimin e martesës, Stërmasi bëri një rrëfim surprizë:

“Unë propozimin ia kam bërë, por ju nuk e keni marrë vesh.”

Luiza shtoi se fejesa e tyre është bërë një vit më parë dhe se kanë ndjekur traditën familjare, duke kënaqur edhe prindërit:

“Ne kemi një vit që e kemi bërë familjare, kemi bërë fejesën. Ne jemi një familje tradicionale, mami insistonte shumë dhe e bëmë edhe për t’iu bërë qejfin prindërve.”

Sa i përket dasmës, Stërmasi bëri të qartë se ajo do të ndodhë, por jo menjëherë:

“Dasmë do të ketë me patjetër, por jo tani afër.”

Kjo rrëfim i afron publikun pranë jetës private të kampiones dhe trajnerit, duke treguar anën më të ngrohtë dhe më personale të çiftit.