Një tragjedi ka tronditur qytetin e Vlorës në orët e para të mëngjesit të sotëm, ku ka humbur jetën Leandro Shametaj, vetëm 17 vjeç. I riu u aksidentua ndërsa po kthehej nga puna, duke humbur kontrollin e automjetit të tij.
Sipas burimeve paraprake, i riu udhëtonte me një automjet sportiv, ndërsa grupi hetimor ndodhet në vendngjarje për të zbardhur shkaqet e aksidentit dhe për të përcaktuar përgjegjësitë.
Familjarët e të ndjerit ndodhen në spital, duke pritur për përfundimin e procedurave zyrtare dhe kryerjen e autopsisë. Autoritetet kanë nisur hetimet për të përcaktuar nëse ngjarja lidhet me shpejtësinë apo faktorë të tjerë.
