Një vajzë 12-vjeçare nga Delvina është dërguar me urgjencë në spitalin e Sarandës, pasi u gjet në gjendje të rënduar shëndetësore në banesë.

Sipas familjarëve, vajza u gjet pa ndjenja dhe u transportua menjëherë drejt spitalit. Bluzat e bardha bëjnë me dije se e mitura, me inicialet I.H., ka pohuar se kishte konsumuar disa ilaçe që përdorte një pjesëtar i familjes.

Dyshohet se bëhet fjalë për “Deparkin”, një medikament i përdorur për trajtimin e sëmundjes së Parkinsonit.

Për shkak të gjendjes kritike, mjekët vendosën që vajza të transportohet me helikopter drejt Tiranës, ku do të marrë trajtim të specializuar.