Një aksident me pasojë vdekjen e një personi është regjistruar pasditen e sotme në aksin rrugor Strum–Roskovec.

Sipas të dhënave paraprake, dy automjete janë përplasur me një motomjet, duke shkaktuar një skenë tragjike. Si pasojë e përplasjes, ka humbur jetën drejtuesi i motomjetit, një 33-vjeçar me iniciale K. H.

Në vendngjarje ndodhet grupi hetimor, i cili po punon për sqarimin e plotë të rrethanave dhe shkaqeve të aksidentit. Ndërkohë, policia ka bërë me dije se po kryhen veprimet procedurale për përcaktimin e përgjegjësive.