Policia e Tiranës ka finalizuar operacionin e koduar “Walkers”, duke arrestuar J. S., 38 vjeç, banues në Gërdec, dhe bashkëpunëtorin e tij, J. D., 19 vjeç, banues në Karpen, pak orë pas vjedhjes së kryer në një banesë në fshatin Sakos, Vorë.

Hetimet kanë zbuluar se 38-vjeçari ishte tashmë në kërkim nga gjykata, pasi Gjykata e Lezhës i kishte caktuar masën e sigurisë “Arrest në burg” për një tjetër vjedhje të kryer në korrik, në autostradën Mamurras–Tiranë, në bashkëpunim me vëllanë e tij, D. S.. Në atë rast, ata vodhën pajisje dhe sende nga një magazinë.

Sipas policisë, gjatë operacionit në Vorë u sekuestruan rreth 100 litra naftë dhe pajisje të tjera, ndërsa hetimet vazhdojnë për të zbardhur vjedhjet e tjera që mund të kenë kryer shtetasit J. S. dhe J. D.

Materialet procedurale janë referuar Prokurorisë, për veprime të mëtejshme.