Një debat i ashpër ka shpërthyer sot në Komisionin për Burimet Natyrore dhe Infrastrukturën, ku deputeti demokrat Klevis Balliu akuzoi rëndë kolegun e tij socialist Ceno Klosi për lidhje me krimin dhe trafik droge.

Gjatë diskutimeve në komision, Balliu ngriti zërin dhe e sulmoi drejtpërdrejt Klosin, duke e quajtur “hajdut dhe kriminel”.

“Je hajdut dhe kriminel. Ke kaluar tonelata me drogë në dogana. S’duhet të jesh këtu, por në burg,” – deklaroi Balliu, duke shkaktuar tension dhe ndërprerje të seancës për disa minuta.

Përplasja verbale solli reagime të menjëhershme nga deputetët socialistë, të cilët kërkuan që Balliu të mbahej përgjegjës për “gjuhë të papranueshme dhe shpifje publike”.
Ndërkohë, Klosi ka mohuar akuzat, duke i cilësuar ato si “skenar politik për të tërhequr vëmendjen nga dështimet e opozitës”.

Situata në komision është përshkallëzuar deri në ndërhyrjen e kryetares së komisionit, e cila ka kërkuar qetësi dhe rikthim në rendin e ditës.
Ngjarja pritet të ketë jehonë të gjerë në arenën politike, për shkak të tonit të paprecedentë të përplasjes mes dy deputetëve.