Një incident i rëndë u regjistrua mbrëmjen e sotme në Agios Dimitrios, Greqi, ku një operacion policor u shndërrua në ndjekje të armatosur, duke lënë të plagosur tre efektivë të policisë.

Sipas të dhënave të “Protothema”, ngjarja nisi pas një telefonate anonime që njoftoi për një vjedhje në zhvillim brenda një banese në zonë. Njësia e shpejtë motorike DIAS u nis menjëherë drejt adresës së raportuar.

Në momentin që arritën në vendngjarje, oficerët pikasën katër autorët e dyshuar teksa po largoheshin me shpejtësi. Hajdutët hipën në një automjet dhe tentuan të çajnë rrethimin policor duke u përplasur me dy motoçikleta të ekipit DIAS.

Si pasojë e përplasjes, tre policë mbetën të plagosur lehtë, ndërsa autorët arritën të largohen në drejtim të paditur.

Policia greke ka nisur një operacion të gjerë kërkimi për identifikimin dhe kapjen e të dyshuarve, ndërsa gjendja shëndetësore e efektivëve raportohet e qëndrueshme.