Romë – Në kuadër të mbledhjes së përbashkët të dy qeverive, Ministri i Turizmit shqiptar, Blendi Gonxhja, zhvilloi një takim me Ministren e Turizmit të Italisë, Daniela Santache, ku të dy palët riafirmuan angazhimin për një bashkëpunim të qëndrueshëm dhe inovativ në turizëm.

Takimi përqendroi diskutimet në forcimin e lidhjeve dypalëshe dhe rajonale, harmonizimin e standardeve turistike, lehtësimin e përvojës së vizitorëve, si dhe zhvillimin e itinerarëve kulturorë. Një rëndësi e veçantë iu dha edhe fuqizimit të aftësive profesionale dhe zgjerimit të mundësive turistike gjatë gjithë vitit.

Ky hap konsolidon marrëdhëniet ndërkombëtare dhe vendos themelet për një turizëm inovativ dhe cilësor, duke promovuar zhvillimin e qëndrueshëm dhe ofertat gjithëvjetore të sektorit.

“Ky takim riafirmon angazhimin tonë për një partneritet të ndërsjellë dhe të qëndrueshëm në turizëm,” u shpreh Gonxhja.

Në plan është që bashkëpunimi të ketë një ndikim të drejtpërdrejtë në përmirësimin e standardeve dhe rritjen e cilësisë së shërbimeve për vizitorët shqiptarë dhe italianë.