Policia e Shtetit ka vënë në pranga një 29-vjeçar, me iniciale M. Z., banues në Tiranë, i akuzuar për shpërndarje të materialeve pornografike me të mitur në internet. Arrestimi u realizua pas ekzekutimit të vendimit të Gjykatës së Shkallës së Parë të Juridiksionit të Përgjithshëm Tiranë, njofton Drejtoria për Hetimin e Krimeve Kibernetike.

Operacioni u krye në bashkëpunim me Policinë Kriminale Shtetërore të Bavarisë, Zyrën Qendrore Bavareze për Ndjekjen e Krimit Kibernetik (ZCB) dhe EUROPOL, si pjesë e një pune intensive për parandalimin dhe goditjen e krimeve kibernetike ndaj të miturve.

Blutë njoftojnë se hetimet vijojnë për të zbardhur të gjitha rrethanat e veprës penale dhe për të identifikuar personat e tjerë të përfshirë.