Kristjan Asllani ishte protagonist absolut në fitoren e Shqipërisë ndaj Andorrës, duke shënuar golin vendimtar që i siguroi kombëtares biletën për në play-off. Pas ndeshjes, mesfushori u shpreh për emocionet dhe vështirësitë e sfidës:
“E punojmë shumë, sidomos kur kam topin unë dhe Myrto shkon pas shpine. Jemi të lumtur se e dinim çfarë do të thotë kjo fitore për ne. Do festojmë sot e pastaj mendojmë për Anglinë. Të them të drejtën, nuk ishte një pjesë e parë e mirë. E dinim që luante 5-4-1, sot provoi 4-4-2. Kishim vështirësi, në pjesën e dytë sulmuesit patën më shumë hapësirë dhe e merituam fitoren.”
Asllani shtoi se Andorra nuk është ekip i vogël, duke komplikuar aksionet e sulmit:
“Unë e Shehu kishim vështirësi, na vinin dy mbrojtës dhe na mbyllnin. Por tani të mos mendojmë për ndeshjen, shkojmë në Tiranë të festojmë e pastaj mendojmë për Anglinë.”
Fitorja e Shqipërisë ndaj Andorrës ishte një hap i madh drejt realizimit të objektivit të madh të kombëtares: kualifikimi në play-off-in për Euro 2025.
