Këngëtarja shqiptare Bebe Rexha ka ndezur debat në rrjetet sociale pas një shkëmbimi komentesh me një përdoruese të X (ish-Twitter), e cila e akuzoi për denigrim të burrave. Reagimi i artistes erdhi pas një postimi ku ajo theksoi se “gratë dhe fëmijët mbajnë peshën më të rëndë të konflikteve të shkaktuara nga burrat”.
Një ndjekëse me emrin Morgan e kundërshtoi ashpër, duke provokuar edhe bazën e fansave të Rexhës. Këngëtarja nuk vonoi dhe u kundërpërgjigj duke e cilësuar ndjekësen si “toksike” dhe duke kërkuar largimin e saj nga profili i saj.
“Fansat e mi e dinë që kjo nuk ka lidhje me komunitetin tim gay. Dhe për ‘sje më relevante’? Ti je në faqen time, ndaj dikush nga ne dy qartësisht është relevante”, shkroi Rexha, duke nënvizuar se nuk do të lejojë shpërndarje të negativitetit online.
Këngëtarja u shpreh se shpesh reagon ndaj sjelljeve toksike për t’u vendosur kufij komentuesve negativë, duke kthyer profilin e saj në hapësirën ku mbron hapur qëndrimet e saj. Ndërsa debati ka shkaktuar ndarjen e opinionit mes ndjekësve, Rexha duket e vendosur të mos e injorojë padrejtësinë dhe sjelljet provokuese në rrjetet sociale.
