Një 43-vjeçar nga Kosova është arrestuar nga Policia gjatë një operacioni të zhvilluar në vendin e quajtur “Ura e Stafukës”, fshati Larushk, pasi u kap duke transportuar me automjet rreth 23 kg e 65 gramë lëndë të dyshuar narkotike Cannabis Sativa.

Sipas uniformave blu, i dyshuari, L. Ç., banues në Kosovë, drejtonte një automjet tip “Skoda” në momentin e ndalimit. Gjatë kontrollit, në automjet u gjetën pako me lëndë narkotike, e cila dyshohet se do të trafikohej në drejtim të Kosovës.

Lënda narkotike dhe automjeti janë sekuestruar në cilësinë e provës materiale, ndërsa hetimet për zbardhjen e rrjetit të mundshëm të trafikut vazhdojnë.