Sarah Beckstrom, 20 vjeç, një nga dy anëtarët e Gardës Kombëtare të plagosur gjatë një sulmi të armatosur pranë Shtëpisë së Bardhë, ka ndërruar jetë nga plagët e marra. Lajmin e bëri të ditur Presidenti Donald Trump, duke e përshkruar të reshtin si “e re, e respektuar dhe madhështore”.

Beckstrom iu bashkua Gardës Kombëtare të Virxhinias Perëndimore më 26 qershor 2023 dhe shërbeu me përkushtim, duke u dalluar në çdo detyrë. Sulmi, i atribuar një të dyshuari afgan, la të plagosur edhe një tjetër ushtar, i cili sipas autoriteteve po lufton për jetën dhe është në gjendje kritike.

Kolonel Larry Dawn, komandant i Task Forcës Ndër-Shërbimore të Distriktit të Kolumbias, e cilësoi vdekjen e Beckstrom si “një humbje të dhimbshme” për të gjithë trupat e Gardës Kombëtare dhe komunitetin amerikan.

Sulmi ka tronditur Uashingtonin dhe ka rikthyer shqetësimet mbi sigurinë e trupave të Gardës Kombëtare në kryeqytet.