Moderatorja dhe producentja e njohur Alketa Vejsiu ka bërë një deklaratë të fortë që ka ndezur debat në rrjet, pas një reagimi të drejtpërdrejtë kundër sezonit aktual të “Big Brother VIP Kosova”.

Gjatë një bashkëbisedimi virtual me ndjekësit e saj, Vejsiu është pyetur mbi mendimin profesional për programin që po transmetohet aktualisht. Pa asnjë hezitim, ajo ka artikuluar një kritikë të ashpër, duke e etiketuar spektaklin si një tejkalim të hapur të kufijve etikë dhe moralë në televizion.

“Nuk jam për p*rno në mes të ditës kurrsesi,” – shkroi ajo, duke shtuar se disa skena të transmetuara gjatë formatit i ka konsideruar “të bezdisshme dhe diskomfortuese” për publikun. Sipas saj, fokusi i programit është i zhvendosur nga përmbajtja tek provokimi i panevojshëm.

“The drive is ‘Sex Sells’ – shtysa është se seksi shet,” – vijoi moderatorja, duke nënvizuar se nuk do të sakrifikonte kurrë cilësinë apo dinjitetin profesional për të rritur shikueshmërinë e një formati televiziv.

Reagimi i saj ka ngjallur një valë reagimesh online, ku ndjekësit janë ndarë mes atyre që e mbështesin kritikën e saj dhe atyre që e konsiderojnë të tepruar. Megjithatë, një gjë është e sigurt: deklarata e Vejsiut ka vënë sërish në qendër të vëmendjes diskutimin për kufijtë e etikës në televizionin modern.