Moderatorja Lei Kraja ka bërë një deklaratë që ka ndezur rrjetin social, duke folur hapur për një plan të pazakontë me partnerin e saj, Arbër Çepanin. Ajo ka thënë se, nëse nuk arrin të bëhet nënë deri në moshën 35-vjeçare, do t’i propozojë Arbrit që të bëjnë një fëmijë “me kontratë”.

“Unë e kam menduar këtë. I kam thënë disa herë që hajde bëhu babai i fëmijës tim,” tha Kraja në emision, duke shtuar se në rast të një martese të Arbrit, ajo do të kërkojë alternativa të tjera.

Arbër Çepani nuk vonoi dhe reagoi me humor, duke publikuar në “Instastory” videon e moderatores: “Jam dakord. E bëjmë që tani,” shkroi ai, duke ndezur diskutime dhe komente të shumta nga ndjekësit.

Deklarata e Lei Krajës ka sjellë sërish vëmendjen e publikut mbi jetën private të moderatores, duke e kthyer këtë moment në një nga më të përfolurit në rrjetet sociale.