Një lajm i hidhur ka tronditur komunitetin katolik shqiptar, pasi ipeshëvi i Vau Dejësit, Simon Kulli, u nda papritur nga jeta mëngjesin e sotëm, në moshën 52-vjeçare, si pasojë e një goditjeje nga tensioni i lartë.

Simon Kulli u emërua administrator i dioqezës së Sapës në Vau Dejës në vitin 2016, ndërsa një vit më pas, në 2017, Papa e caktori ipeshkëv të kësaj dioqeze. Ai zëvendësoi imzot Luçiano Avgustin, i cili gjithashtu u nda nga jeta në mënyrë të parakohshme pas një sëmundjeje të rëndë.

Gjatë 9 viteve të shërbimit, Simon Kulli u përkushtua me pasion ndaj Zotit dhe komunitetit të besimtarëve, duke lënë një trashëgimi të rëndësishme shpirtërore.

Kisha katolike e Shqipërisë pritet të dalë së shpejti me njoftime zyrtare për ceremoninë e varrimit, ndërsa më pas do të vendoset për drejtuesin e ri të dioqezës së Sapës.