Agjencia e Mbikëqyrjes Policore ka ndaluar një punonjës të policisë në Dibër, i cili dyshohet për kryerjen e veprave penale “Marrëdhënie seksuale me dhunë me të rritura” dhe “Shpërdorim i detyrës”, pas kallëzimit të një shtetaseje.

Sipas AMP-së, ngjarja daton më 17 nëntor 2025, kur shtetases L.H. i është bërë shantazh për të kryer marrëdhënie seksuale. Hetimet me metoda speciale zbuluan se punonjësi i policisë ishte larguar në Republikën e Kosovës, ndërsa ndalimi i tij u realizua sot gjatë kthimit në Shqipëri.

Gjithashtu, materialet proceduriale përfshijnë edhe shtetasen M.U., e dyshuar për veprën penale “Kanosja për të mos kallëzuar”, dhe shtetasin A.K., i dyshuar për “Përkrahja e autorit në krim”. Hetimet vazhdojnë për zbardhjen e plotë të rrethanave.