Të shtunën e kaluar, Guardia di Finanza e San Benedetto ndaloi dhe arrestoi një 22-vjeçar shqiptar, banues në Spinetoli, gjatë një kontrolli rutinë në zonën e Monsampolos, përgjatë rrugës Salaria. Sipas mediave italiane, i riu po drejtonte një Toyota Auris dhe u duk i nervozuar gjatë identifikimit.

Gjatë kontrollit, policia gjeti një mbështjellës portokalli, i cili përmbante 15 doza kokaine, me peshë rreth 8 gramë. Autoritetet sekuestruan gjithashtu dy telefona celularë dhe 300 euro, që besohet të jenë të ardhurat nga shitja e drogës.

I riu, që kishte precedentë të mëparshëm për trafik droge, u arrestua dhe u vendos nën arrest shtëpiak në Spinetoli. Ai u përfaqësua nga avokati Umberto Gramenzi dhe dje u paraqit për një gjykim të shkurtuar para gjykatës së Ascolit. Gjykatësi konfirmoi masën e arrestit dhe shtyu çështjen deri më 6 shkurt për procedura të mëtejshme.

Operacioni i Guardia di Finanza vjen si pjesë e një vëmendjeje të shtuar të autoriteteve italiane ndaj trafikimit të drogës në zonën e San Benedetto dhe rrethinat.