Detaje të reja janë zbardhur nga ngjarja e rëndë e ndodhur mbrëmjen e kaluar në Lezhë, ku 35-vjeçari Petrit Paloka u dhunua barbarisht nga disa persona. Policia e Lezhës ka identifikuar tashmë autorin e dyshuar të sulmit, ndërsa hetimet vijojnë intensivisht.

Sipas burimeve, Paloka është nxjerrë me forcë nga automjeti dhe më pas është goditur me shkop bejsbolli, duke pësuar lëndime të rënda, përfshirë edhe thyerjen e njërës këmbë.

35-vjeçari, para oficerëve të policisë, ka rrëfyer:
“Nuk kam njohur personat që më dhunuan, pasi ishin të maskuar.”

Pas ndihmës së parë në spitalin e Lezhës, ai u transportua drejt spitalit të Traumës. Ndërkohë, policia ka kryer kontrolle në disa banesa për të identifikuar të gjithë autorët e sulmit.