Gjatë dy javëve të fundit, dhjetëra punonjës të Agjencisë Kombëtare të Shoqërisë së Informacionit (AKSHI), si nga institucioni qëndror ashtu edhe të deleguar pranë disa ministrive, janë paraqitur në SPAK për t’u marrë në pyetje dhe për të dhënë shpjegime.

Burime bëjnë me dije se kjo lëvizje lidhet me një sërë procedurash prokurimi të dyshuara për shkelje ligjore, të cilat janë përfshirë në një procedim penal që po hetohet nga prokurori i SPAK, Bledar Maksuti.

Në kuadër të hetimeve, para prokurorit janë paraqitur edhe drejtoresha e AKSHI-t, Mirlinda Karçanaj, si dhe biznesmeni Ermal Beqiraj. Hetimet pritet të thellohen për të përcaktuar përgjegjësitë dhe dinamiken e procedurave të dyshuara.