Një 20-vjeçar, me inicialet E.M., është plagosur me thikë pasditen e së mërkurës në Qerret.

I riu u dërgua menjëherë me urgjencë në spitalin e Durrësit, ku u fut në sallën e operacionit. Sipas informacionit paraprak nga grupi hetimor, plagosja dyshohet të ketë ndodhur gjatë një konflikti, ndërsa i riu rezulton i përfshirë edhe më parë në situata problematike.

Policia ndodhet në vendngjarje dhe po punon për sqarimin e rrethanave dhe identifikimin e autorit.