Një aeroplan mallrash Il-76 u rrëzua të martën në Sudan, duke shkaktuar vdekjen e të gjithë anëtarëve të ekuipazhit, njoftoi agjencia AFP, duke cituar një burim anonim.

Sipas informacionit, avioni u përplas gjatë përpjekjes për të ateruar në Bazën Ajrore Osman Digna në qytetin portual të Port Sudanit, pranë Detit të Kuq, për shkak të një defekti teknik.

Numri i ekuipazhit nuk është bërë i ditur, ndërsa autoritetet po vazhdojnë hetimet për të përcaktuar shkaqet e rrëzimit.

Ngjarja vjen si një tjetër incident tragjik ajror në zonën e Detit të Kuq, duke rritur shqetësimet mbi sigurinë e fluturimeve në rajon.