Në fund të muajit tetor të vitit të kaluar, mediat e huaja raportuan se bukuroshja shqiptare Angela Martini i kishte dhënë fund martesës së saj disavjeçare me Drago Savulescu. Megjithatë, zhvillimet e fundit duket se i rrëzojnë këto aludime.

Modelja e njohur ka treguar përmes rrjeteve sociale se festat i ka kaluar pikërisht në shoqërinë e partnerit të saj. Angela Martini ka publikuar disa fotografi në profilin e saj në Instagram, ku mes imazheve të ndara me ndjekësit nuk mungon edhe një foto ku ajo dhe Drago Savulescu shfaqen krah njëri-tjetrit.

Postimet kanë rikthyer vëmendjen mbi jetën private të çiftit dhe kanë ngritur pikëpyetje mbi vërtetësinë e lajmeve për një ndarje të mundshme, duke lënë të kuptohet se marrëdhënia e tyre vijon ende.