Brikena, Greta, Mateo, Kristi, Mali dhe Miri u liruan mbrëmjen e sotme nga akuariumi dhe iu bashkuan pjesës tjetër të banorëve të “Big Brother VIP 5”. Vëllai i Madh vendosi një kusht: gjashtë banorët mund të komunikonin vetëm me njëri-tjetrin, ndërsa çdo fjalë me të tjerët do t’i kthente përsëri në izolim.
Sapo dolën, provokimet e banorëve të tjerë nuk vonuan. Në një moment, Selin iu afrua Gretës te divanët në oborr dhe, teksa lyente buzët me buzëkuqin e saj, i dha edhe një puthje në buzë. Greta nuk reagoi direkt, duke iu përmbajtur komunikimit vetëm me banorët që kishin dalë nga akuariumi bashkë me të.
