Autoritetet italiane kanë vënë në pranga një shtetas shqiptar 33-vjeç, i dyshuar për përfshirje në trafik droge, pas një operacioni që çoi në sekuestrimin e mbi 110 kilogramëve lëndë narkotike në zonën e Teramos.

Gjatë bastisjes në banesën e të dyshuarit, L. K., policia gjeti rreth 30 kg kokainë, 4 kg heroinë dhe 80 kg hashash, si dhe sasi të konsiderueshme agjentësh prerës. Një pjesë e materialeve të sekuestruara, përfshirë telefona celularë dhe një pajisje të kriptuar, si dhe një ditar me emra dhe numra kontakti, do t’i nënshtrohet analizave për të identifikuar personat e tjerë të përfshirë.

Hetimi është duke u ndjekur nga Prokuroria e Teramos nën drejtimin e prokurores Greta Aloisi. Një seancë dëgjimore për vërtetimin e masës së sigurisë do të zhvillohet para gjyqtarit Roberto Veneziano. Sipas autoriteteve, i arrestuari nuk ka precedentë penalë dhe përfaqësohet nga avokati Maurizio Cacaci.