Një aksident i trefishtë është regjistruar këtë të mërkurë në aksin rrugor Cërrik–Elbasan, ku janë përfshirë tre automjete.

Policia bën me dije se drejtuesit e automjeteve janë A. M., 42 vjeç, E. E., 21 vjeç dhe K. H., 25 vjeç, ndërsa si pasojë e përplasjes janë lënduar katër persona, përfshirë dy shoferë dhe dy pasagjerë. Të lënduarit ndodhen në spital dhe sipas informacioneve mjekësore, gjendja e tyre është jashtë rrezikut për jetën.

Grupi hetimor po vijon punën për të përcaktuar shkaqet dhe rrethanat e aksidentit, ndërsa qarkullimi në aks vazhdon të monitorohet nga autoritetet rrugore.