Armaldo Kllogjeri ishte i ftuar ditën e sotme në emisionin “Ftesë në 5”, ku ndau me publikun detaje të pathëna më parë nga jeta e tij personale dhe përvoja pas daljes nga “Big Brother VIP 2”.

Ish-banori i reality show-t foli me shumë emocion për vajzën e tij të vogël, Rean, të cilën e konsideron qendrën e jetës së tij. Armaldo tregoi se ka qenë vetë ai që e ka rritur dhe është përkujdesur për të, duke e përkëdhelur dhe duke i dhënë gjithë dashurinë e një prindi të përkushtuar. Sipas tij, lidhja me vajzën është forca kryesore që e mban të qëndrueshëm dhe të motivuar në jetën e përditshme.

Mes rrëfimeve plot ndjeshmëri dhe nostalgjie, Kllogjeri ndau edhe mësimet e rëndësishme që mori nga eksperienca në “Big Brother VIP”. Ai theksoi se dalja nga shtëpia më e famshme në Shqipëri i hapi sytë për shumë aspekte të jetës, veçanërisht për marrëdhëniet njerëzore dhe miqësitë.

“Dalja nga Big Brother më ka mësuar shumë gjëra. Ata që ke pasur miq të kanë kthyer krahët, nuk të kanë ndihmuar. Njerëzit nuk janë aq të sinqertë sa duken kur ti je dikush, aty fillojnë e nxjerrin veten e tyre”, u shpreh Armaldo, duke lënë të kuptohet se ka përjetuar zhgënjime të forta nga persona që i konsideronte të afërt.

Ai theksoi se kjo eksperiencë i shërbeu jo vetëm si një provë karakteri, por edhe si një filtër i qartë për të kuptuar se kush qëndron realisht pranë teje në momentet e vështira. Sipas tij, fama dhe ekspozimi publik nxjerrin në pah fytyrën e vërtetë të njerëzve dhe ndryshojnë raportet shoqërore.

Armaldo u shpreh se sot prioriteti i tij kryesor mbetet vajza dhe stabiliteti emocional i saj, ndërsa karrierën dhe jetën publike i sheh me një këndvështrim tjetër, shumë më të pjekur dhe realist, pas gjithçkaje që ka kaluar pas “Big Brother VIP”.