KF Vora ia doli të ndalte 1-1 një tjetër skuadër të madhe të futbollit shqiptar, KF Tiranën, në një ndeshje të zhvilluar në stadiumin e Vorës me një prani të shtuar tifozësh. Pjesa e parë u mbyll pa gola, por fraksioni i dytë solli emocione dhe tension deri në fund.

Basilio Ndong kaloi Tiranën në avantazh, duke ndezur festën e “Fanaticsave” që kishin udhëtuar në numër të konsiderueshëm në Vorë. Megjithatë, pas golit të pësuar, vorakët reaguan menjëherë. Në minutën e 81-të, Ayodele Adeloye, vetëm pesë minuta pasi ishte aktivizuar, barazoi shifrat me një krosim nga e djathta pas një goditjeje me kokë të Kasallës që u ndal nga shtylla.

KF Tirana tentoi të rikthente avantazhin, por sulmet përfunduan në shtylla, me goditje nga Myslovic dhe Ernest që nuk gjetën rrugën e rrjetës. Ndeshja përfundoi 1-1, duke lënë kampionët në vendin e fundit me vetëm 14 pikë.

Vora, me këtë barazim, ngjitet në vendin e gjashtë me 23 pikë, duke treguar se mund të rivalizojë edhe me emrat e mëdhenj të Superiores. KF Tirana, nga ana tjetër, vazhdon të ketë sfida të mëdha për mbijetesën këtë sezon.