Një moment i rëndësishëm ka shënuar jetën personale të Redia Hoxhës, trashëgimtares së Top Channel dhe motrës së vogël të Lori dhe Sara Hoxhës, e cila ka sjellë në jetë fëmijën e saj të parë.

Lajmi është bërë i ditur nga Ilirianews.al, sipas të cilit babai i fëmijës është Kein Dabulla, nipi i ish-ministres Arta Dade dhe djali i Alban Dabullës, botues i gazetës “Dita” dhe pronar i “Telebingos Shqiptare”. Alban Dabulla njihet gjithashtu si biznesmen aktiv në disa sektorë në Tiranë dhe më gjerë.

Redia Hoxha ka zgjedhur ta jetojë këtë etapë të re të jetës së saj larg ekspozimit mediatik, në përputhje me qëndrimin diskret që ajo dhe familja e saj kanë mbajtur ndër vite. Edhe motrat Lori dhe Sara, si dhe vëllai i tyre i vogël Itan, kanë preferuar të ruajnë privatësinë, duke shmangur daljet e shpeshta publike për çështje personale.

Lindja e fëmijës shënon një kapitull të ri për Redian, e cila prej kohësh ka qëndruar larg vëmendjes mediatike, duke ndarë jetën private nga fama që shoqëron emrin e familjes Hoxha.