Diskutimet në Gjermani mbi marrëdhënien e supozuar mes ish-drejtorit ekzekutiv të Google, Eric Schmidt, dhe modeles Gloria-Sophie Burkhardt, vajza e kryeministrit të Bavarisë, kanë vijuar të marrin vëmendje të gjerë mediatike.

Sipas një raportimi të gazetës Bild, dyshja ka kaluar kohë së bashku në udhëtime nga SHBA drejt Indisë dhe vendeve të Evropës, duke lëvizur shpesh në të njëjtin itinerar për disa javë radhazi. Paraqitja e tyre e radhës publike pritet të jetë në Konferencën e Mynihut për Sigurinë, ndërsa interesimi për ta nisi në Forumin Ekonomik Botëror në Davos, ku u fotografuan krah për krah.

Gloria-Sophie Burkhardt jeton mes Nju Jorkut, Los Anxhelosit dhe Gjermanisë. Ajo ka studiuar administrim biznesi dhe ekonomi, si dhe ka përfunduar një master në administrim biznesi. Në karrierën e saj si modele është shfaqur edhe në Vogue Turkey. Në një intervistë të vitit 2022 për Teen Vogue, ajo ka folur për përvoja personale me ngacmime dhe abuzime seksuale.

Eric Schmidt u largua nga posti i CEO-s së Google në vitin 2011. Ai është i martuar prej më shumë se 40 vitesh me Wendy Schmidt dhe është përfshirë më herët në marrëdhënie jashtëmartesore, ndërsa pasuria e tij vlerësohet në dhjetëra miliarda dollarë.