Një ngjarje e rëndë është regjistruar mëngjesin e sotëm në Berat, ku një grua 58-vjeçare është gjetur pa shenja jete në lumin Osum.

Rreth orës 07:40, familjarët kanë nxjerrë nga ujërat e lumit trupin e pajetë të shtetases me iniciale M. M. Sipas informacioneve paraprake, dyshohet se ajo është vetëmbytur.

Referuar deklarimeve të familjarëve, 58-vjeçarja vuante nga probleme të shëndetit mendor dhe ishte larguar nga banesa një ditë më parë, rreth orës 19:00.

Grupi hetimor ndodhet në vendngjarje dhe po punon për sqarimin e plotë të rrethanave dhe dokumentimin e rastit.

Nëse ju apo dikush që njihni po kalon një periudhë të vështirë emocionale, është e rëndësishme të kërkoni ndihmë pranë familjarëve, mjekëve specialistë apo shërbimeve përkatëse të mbështetjes.