Seanca plenare e Kuvendit këtë të enjte u hap me debate të ashpra mes kryetarit të grupit parlamentar të PD, Gazment Bardhi, dhe homologut të tij socialist, Taulant Balla, lidhur me përfshirjen në rendin e ditës të kërkesës së SPAK-ut për mandatin e deputetes Belinda Balluku.

Bardhi tha: “Ju zoti kryetar jeni të detyruar që ta përfshini raportin si pjesë e seancës më të parë të Kuvendit, pas dorëzimit të raportit. Raporti u dorëzua të hënën dhe seanca më e parë është kjo e sotmja. Në rendin e ditës nuk u përfshi shqyrtimi i kësaj kërkese, që ka natyrë urgjente.”

Në përgjigje, Balla deklaroi: “Qëndrimi ynë ka qenë i qartë përmbledhjen e Këshillit të Mandateve, e kemi bërë të qartë qëndrimin tonë. Sapo të jetë gati, në seancën më të parë, që është 12 marsi, do jenë gati 2 raportet.”

Debati u tensionua më tej kur Bardhi e etiketoi Ballën si “ushtar i Suel Çelës”, dhe kryeparlamentari Niko Peleshi ndërhyri duke paralajmëruar: “Zoti Bardhi kujdes fjalorin. Jam i detyruar që të respektojë rregulloren pa emocion. Nuk ta jap fjalën! Kujdes se do t’u përjashtojë.”