Ka marrë të tjera përmasa tragjedia e Velipojës, ku shpërtheu një bombol gazi në 4 korrik.

Mësohet se pas dy vajzave, ka ndërruar jetë edhe nëna e tyre. Ndërkohë që djali, fëmija i vogël i familjes, 12 vjeç, është duke u përmirsuar.

Nëna dhe dy vajza që mbetën të plagosura pas shpërthimit u dërguan për kurim në Itali, por nuk ia dolën ta fitojnë luftën me vdekjen.

Nëna, Alketa Gjoka dhe tre fëmijët e saj ishin duke pastruar në hotelin e tyre teksa ndodhi shpërthimi i bombolës së gazit, duke i lënë të plagosur.

E para që ndërroi jetë ishte vajza e madhe, 19-vjeçarja Daniela Gjoka, e cila në gusht kishte caktuar edhe datën e dasmës. Ndërkohë që pas saj, humbi betejën në një spital në Itali edhe motra e vogël, vetëm 15 vjeçe.