Ish-banori i Big Brother VIP Kosova, Lim Hoti, ishte i ftuar mbrëmjen e kaluar në spektaklin e humorit Portokalli, ku u përball me disa pyetje ngacmuese nga aktorët e programit lidhur me jetën e tij personale dhe marrëdhëniet e krijuara gjatë qëndrimit në shtëpinë e famshme.

Gjatë bisedës, vëmendja u përqendrua te raportet që ai pati me Dolce dhe Alba Pollozhani, me të cilat u pa shpesh i afërt gjatë reality show-t.

I pyetur pse nuk funksionoi lidhja mes tij dhe Dolces, Lim Hoti u përgjigj me humor, duke thënë se ajo është një vajzë shumë e ëmbël, por ndonjëherë ëmbëlsia mund të “kthehet në diabet”.

“Dolce është shumë e ëmbël, por ndonjëherë ëmbëlsia kalon në diabet, kështu që është më mirë të mbaj pak distancë”, u shpreh ai duke qeshur.

Batuta e tij shkaktoi të qeshura në studio dhe u prit me duartrokitje nga publiku, duke reflektuar stilin humoristik që e karakterizoi edhe gjatë pjesëmarrjes në BBVK.

Ndërkohë, pas përfundimit të reality show-t, Dolce nuk ka bërë deklarata publike lidhur me raportin me Limin apo me Edi, me të cilët krijoi afrimitet gjatë qëndrimit në shtëpi.