Garda Revolucionare e Iranit ka paralajmëruar Shtetet e Bashkuara të Amerikës që të tërheqin kompanitë dhe punonjësit e tyre nga Lindja e Mesme, ndërsa qytetarët janë këshilluar të shmangin fabrikat ku kompanitë amerikane kanë aksione.

Sipas mediave shtetërore iraniane, paralajmërimi vjen pas sulmeve të fundit në dy ditët e fundit, ku disa punëtorë civilë në fabrika joushtarake kanë humbur jetën. Më herët, Garda Revolucionare njoftoi nisjen e “valës së 50-të” të operacioneve kundër bazave amerikane në rajon.

Agjencia iraniane Fars News Agency raporton se sulmet kanë përfshirë bazat amerikane në disa vende, përfshirë Al Dhafra Air Base dhe Fujairah në Emiratet e Bashkuara Arabe, bazën Juffair dhe flotën e pestë detare në Bahrein, bazën Ali Al Salem Air Base në Kuvajt dhe bazën Al Azraq Air Base në Jordani.

Deklarata iraniane përmend gjithashtu se janë shënjestruar radarë të paralajmërimit të hershëm në rajon, të cilët sipas Teheranit kanë shërbyer për mbrojtjen e Izraelit.