Pas arrestimit të këngëtarit Gjesti, reagimet nga artistë të njohur nuk kanë munguar. Së fundmi, mbështetje publike për të ka shprehur edhe kolegu i tij Yll Limani, me të cilin ndodhet në të njëjtin label muzikor.

Në një postim të gjatë në rrjetet sociale, Limani shprehet se Gjestit i janë bërë shumë padrejtësi gjatë muajve të fundit, duke theksuar se arti nuk duhet të pengohet nga presioni apo padrejtësitë.

“Gjestit ju kanë bërë shumë padrejtësi në këto muajt e fundit.
Gjëra që asnjë artist nuk duhet me i kalu vetëm pse krijon dhe shpreh veten përmes artit.
Arti nuk matet me pengesa, presion apo padrejtësi.
Arti është diçka që nuk mundesh me e ndal. Kur një artist përballet me padrejtësi, nuk është veç beteja e tij: është diçka që na prek krejt neve që besojmë në lirinë e krijimit.
Gjestin e njohim për talentin, për shpirtin dhe për përkushtimin ndaj artit.
Këto janë gjëra që askush nuk mundet me ia marrë.
Arti i vërtetë gjithmonë gjen rrugë”, shkruan ai në reagimin e tij.