Një aksident rrugor është regjistruar pasditen e sotme në aksin e vjetër Fier–Lushnjë, ku janë përplasur dy automjete.

Sipas informacioneve paraprake, në aksident janë përfshirë një automjet tip “Benz” dhe një kamionçinë, të cilat janë përplasur me njëra-tjetrën, duke shkaktuar dëme të konsiderueshme materiale.

Si pasojë e përplasjes së fortë, dy persona kanë mbetur të lënduar. Ata janë transportuar me urgjencë drejt spitalit rajonal të Fier, ku ndodhen jashtë rrezikut për jetën.

Në vendngjarje kanë mbërritur menjëherë forcat e policisë dhe grupi hetimor, të cilët po kryejnë veprimet përkatëse për zbardhjen e plotë të shkaqeve dhe rrethanave të aksidentit.