Kryeministri Edi Rama deklaroi se Partia Socialiste ka nisur përgatitjet për zgjedhjet vendore të vitit 2027, duke theksuar rëndësinë e organizimit të brendshëm dhe ristrukturimit në Bashkinë e Tiranës.
Gjatë një takimi në njësinë nr.2 në Tiranë, Rama u shpreh se pagat në sektorin publik dhe privat janë në rritje, ndërsa pensionet do të dyfishohen çdo vit. “Organizimi është a-ja. Pagat në sektorin privat rriten, pagat në sektorin publik janë rritur, pensionet kanë hyrë në planin e rritjes. Çdo vit, rritja do të dyfishohet. Kjo do të thotë që funksionon ekonomia,” tha Kryeministri.
Ai theksoi gjithashtu se PS po planifikon fitoret e ardhshme me kohë, duke projektuar strategjitë dhe përgatitjet e duhura shumë më parë se partitë e tjera.
