Moza po kthehet dita-ditës në një nga personazhet më të komentuar të Ferma VIP, falë spontanitetit dhe batutave të saj që kanë pushtuar rrjetet sociale.

Që nga nata e parë, ajo ka tërhequr vëmendjen me humorin e saj të veçantë dhe mënyrën e drejtpërdrejtë për të shprehur mendimet. Një video që po qarkullon në rrjetet sociale e tregon Mozën duke u përpjekur të gjejë mënyrën se si të lahet brenda fermës:

“Do të lahem ashtu siç më ka bërë nëna, se plasa. S’po e zgjidh dot gjëegjëzën, e kam në tru si të lahem, si të lahem?”

Banorët përpiqen t’i shpjegojnë se duhet të përdorë rroba banje, por Moza kundërshton me batuta:

“Po ça me rroba banjo! Po nuk e bëj unë atë kurrë, ajo është liria e fundit e njeriut, të lahet siç e ka bërë Zoti.”

Humori i saj vazhdon kur pyet:

“Mund të lahemi si të duam? Nuk na dënon Agai?”

Elvisi e shoqëron me shaka: “Siç thua ti, i afrohesh çmimit shumë.”

Ky moment ka bërë që Moza të kthehet në një nga personazhet më virale të momentit, me ndjekësit që shpërndajnë dhe komentojnë vazhdimisht batutat e saj.