Një ngjarje e dhunës në familje ka çuar në arrestimin e një 35-vjeçari në Bulqizë. Specialistët e Hetimit të Krimeve në Komisariatin e Policisë Bulqizë ekzekutuan urdhrin e Prokurorisë Dibër për ndalimin e shtetasit A.G., banues në këtë qytet.

Sipas njoftimit të policisë, më 3 janar 2026, pas një konflikti për motive të dobëta në banesën e tij, 35-vjeçari ka ushtruar dhunë fizike ndaj babait dhe vëllait të tij, duke shkaktuar dëmtime.

Gjykata e Dibrës ka vendosur masën e sigurisë “Arrest me burg” për veprat penale “Dhuna në familje” dhe “Shkatërrim i pronës”. Materialet janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme hetimore.