Policia greke ka arrestuar një 27-vjeçar shqiptar në Volos, i dyshuar për plagosjen e rëndë të një shtetasi vendas pas një konflikti.

Sipas autoriteteve në Greqia, i riu ka goditur viktimën në sy me një pistoletë ajrore gjatë një sherri, duke i shkaktuar dëmtime serioze trupore.

Pas ngjarjes, autori është lokalizuar dhe ndaluar gjatë orëve të mesnatës, ndërsa po lëvizte me automjet. Gjatë kontrollit, policia gjeti edhe një kartëmonedhë 50 euro të falsifikuar, e cila u sekuestrua si provë materiale.

Kontrollet e mëtejshme në banesën e tij zbuluan gjithashtu armë të ftohta dhe sasi lënde narkotike.

Sipas raportimit të Protothema, ndaj 27-vjeçarit është ngritur çështje penale jo vetëm për plagosjen, por edhe për qarkullim të monedhave të falsifikuara.

Hetimet vijojnë për zbardhjen e plotë të rrethanave të ngjarjes.