Në studion e “Big Brother VIP Radio” në Top Albania Radio, diskutimet për marrëdhëniet mes banorëve sollën sërish dilema për dinamikat brenda shtëpisë.

Rogerti rikujtoi një shprehje të Selinit drejtuar Mirit: “Si nuk më kupton ti mua? Kur ta bësh, do jemi duke pirë kafe në Myslym Shyr”, duke lënë të kuptohet një lidhje ende të pazbuluar plotësisht.

Nga ana e tij, Miri theksoi se situata lidhet më shumë me marrëdhënien e Selinit me Gimbën. Ai shtoi se ndarjet nuk bëhen “me buton” dhe kërkojnë kohë, duke sugjeruar se Selini mund të jetë ende e përfshirë emocionalisht ose nuk e ka përpunuar plotësisht situatën.

“Ajo lidhjen me Gimbon nuk e shkëput dot me buton, i duhet kohë për t’u ndarë nga loja apo qëndrimi me të, ndoshta akoma nuk ishte futur në pjesën e ndjenjës… Sipas meje, ekziston mundësia që ajo të mos ketë hyrë ende plotësisht në një fazë të qartë ndjenjash,” shpjegoi Miri, duke nënvizuar konfuzionin që mund të shihet në sjelljen e saj.