Një rezultat historik është regjistruar në Kupën e Botës 2026, teksa Curaçao ka siguruar pikën e parë në historinë e pjesëmarrjeve të saj në fazat finale të një Botërori. Skuadra caraibiane barazoi 0-0 ndaj Ekuadorit në Kansas City, duke surprizuar një nga favoritët e Grupit E.

Ndeshja u dominua pothuajse plotësisht nga Ekuadori, por amerikanolatinët nuk arritën të konkretizonin rastet e shumta të krijuara. Protagonisti absolut i sfidës ishte portieri i Curaçaos, Eloy Room, i cili zhvilloi një paraqitje të jashtëzakonshme dhe mbajti të paprekur portën e tij.

Enner Valencia, Gonzalo Plata, John Yeboah dhe Moisés Caicedo provuan në disa raste të gjenin rrugën e rrjetës, por Room rezultoi i pakalueshëm gjatë gjithë takimit.

Pas humbjes së thellë 7-1 ndaj Gjermanisë në debutimin e saj në Botëror, Curaçao reagoi në mënyrën më të mirë të mundshme, duke marrë një pikë që mund të rezultojë vendimtare në garën për një vend në fazën tjetër të kompeticionit.

Nga ana tjetër, ky barazim përbën një hap fals për Ekuadorin, i cili komplikon objektivin për të siguruar kualifikimin nga grupi.

Ndërkohë, rezultati i Kansas City-t i ka dhuruar Gjermanisë vendin e parë në Grupin E, me gjermanët që kanë siguruar tashmë kryesimin përpara ndeshjes së fundit.

Rezultati:

Ekuador 0-0 Curaçao