Kylian Mbappé ka qenë sërish vendimtar për Francën, duke udhëhequr “Gjelat” drejt një fitoreje bindëse 3-0 ndaj Suedisë dhe kualifikimit në 1/8-at e Kupës së Botës.

Sulmuesi francez realizoi dy gola në këtë ndeshje, duke konfirmuar formën e tij të jashtëzakonshme në turne dhe duke regjistruar një tjetër arritje historike në karrierë.

Me këto dy realizime, Mbappé e çon në 18 numrin e golave të shënuar në historinë e Botërorëve, duke kaluar legjendën gjermane Miroslav Klose, i cili e mbylli me 16 gola. Në renditjen e përgjithshme, përpara tij mbetet vetëm Lionel Messi me 19 gola, çka e vendos sulmuesin francez në distancë minimale nga rekordi absolut.

Por arritjet nuk ndalen këtu. Goli i parë ndaj Suedisë e bën Mbappé edhe futbollistin më të suksesshëm në fazat me eliminim direkt të Kupës së Botës. Ai tashmë ka 10 gola në këto ndeshje, duke kaluar legjendat braziliane Leônidas dhe Ronaldo Nazário, të cilët ndanin më parë rekordin me nga 8 gola.

Me këtë formë, Mbappé vijon të shkruajë historinë e turneut dhe të konsolidojë statusin e tij si një nga figurat më vendimtare të futbollit botëror.